北京之旅 - Day 1

LIFE 北京之旅 15 - 19/02

一早出發，去到北京剛好黃昏，當地氣溫大概一兩度，重以為會勁凍，但其實又唔係，同香港差唔多，我覺得重舒服過香港添，可能北京的濕度很低......

一到北京你會發現條街超乾淨，我大概兩年前都去過北京，一堆堆的垃圾就咁堆o係度，依家奧運在即，要起條街上搵舊垃圾都難...同埋剛好冬天，街上的樹全部光禿禿，個天又一舊雲都無，更加令人覺得北京真係好乾淨。

我地落機後先到市中心的"北京飯店"休息一下，然後就去食北京名菜"北京烤鴨"…

依一餐其實好豪，但我地依班"小朋友"竟然將依味"蟹粉魚肚"...

......一致認定佢係......"南瓜豬皮"，重將依味咁貴的菜食剩一大半。除此之外重有將"鹿肋"當做"牛肋"，"極品香酥羊腩"當做"炸豬扒"...真係令人失望。

larry

28/02/2008

2008-2009年度 財政預算案

政府由2000年實施強積金至今, 不經不覺已經有七年的時間, 眼見我身邊很多朋友都陸續將原本的保本/保證基金轉為一些較進取的股票基金, 原因不是他們承受的風險能力提高, 而是對投資的意識增強。

今時今日, 基金的用途已經不止是退休, 還有結婚, 子女教育, 慈善等等。

昨日, 財政司長曾俊華發表任內首份預算案。在教育方面, 其中一個重點項目是一次過撥款180億成立研究基金，目的是藉著基金的投資得益, 以支持院校持續性的研究費用。

caca
28 Feb 2008 (Kinki, Happy Birthday to you!!!)

股海翻波，中年求診精神科增

近期股市大起大落，令部分股民精神受到抑壓。有精神科醫生指出，部分人精神受困，致近月求診者，當中以中年男性居多。

股市從三萬多點高位，下跌到近日的兩萬三千多，調整幅度多達三十個巴仙；明愛展晴中心督導主任鄧耀祖指出，求診的股民心理都分四個階段：

1. 初嘗賺錢滋味，繼續投資
2. 開始投資失利，但不服輸，認為自己可扭轉劣勢
3. 再次或繼續投資失利，開始借貸，感到沮喪及對家人有罪咎感
4. 為投資借無可借，導致眾叛親離，部分人會出自殺念頭，亦有人會選擇求助及戒賭

雖然這些求診的人仕數目並不嚴重，但這亦是一個好的機會，令股民借今次的大型調整，檢討自己的投資組合及個人的投資心態。其實投資應量力而為，看見情況不妙，應及早止蝕離場；不要因短暫的賺錢而胡亂入市。

Franky
25 Feb 2008

人日

今日係農曆大年初七，又叫"人日"，人人都生日既意思
但點解係初七？唔係初八、初九？

據晉朝董勛《答問禮俗說》記載：「正月一日為雞，二日為狗，三日為豬，四日為羊，五日為牛，六日為馬，七日為人。」
傳說女媧創造蒼生，順序造出了雞、狗、豬、羊、牛、馬等動物，並於第七天造出人來，故此初七為人的生日。

所以要同大家講句"生日快樂"先~
oh no~唔記得起初二同我隻狗"福記"講生日快樂添~~


Larry
13 Feb 2008

不談港股談樓市

港股連跌3天, 終於在鼠年第二個交易日反彈。恒生指數昨收報22921點, 升305點。不過, 成交卻未配合, 主板成交額更縮至半年新低, 僅得672億元, 打回「港股直通車」消息宣布前成交水平。
(撰自《香港經濟日報》)

自從踏入2008開始, 每日的經濟新聞都離不開恒指。
...上...落...上...落...

今日是年初七, 本人暫且不談恒指談樓市。
除了股市之外, 樓市都是近期的熱話, 就連風水師傳都看好香港西南面的樓價。

對於樓市, 本人認為1月22日聯儲局減息後, 市場可說未有大太反應, 主要原因是買賣雙方都持觀望態度。根據個人經驗, 本人自去年開始放盤, 由目標價108萬至現在138萬, 已升值近三成。其實, 有不少業主亦會因為樓市見旺而即時封盤, 待農曆年過後再以較高價錢放盤。現在市場正在憧憬再減息, 所以短期來說, 樓市應該仍有上升的空間。但是, 值得留意的是, 股票市場的不穩定因素對於樓市絕對有一定的負面影響。

caca
13 Feb 2008

年初一 恭喜賀喜

好!
係度同大家拜過年先!

祝大家身體健康,龍馬精神,出入平安,一本萬利,心想事成,鼠年行大運,財源滾滾來!

Ivan
7Feb2008

衰退迫眉睫 美股曾經265點

市場料儲局 下月勢減息半厘救經濟
美國上月服務業指數意外大跌至6年低位,且是5年來首次跌至收縮水平,反映經濟衰退迫眉睫,帶動美股早段急挫。
道指早段曾挫265點,本港今晨零時(開市後一小時半),跌240點,報12394點；標普500指數跌28點，報1352點,歐洲股市全線下滑,英法德分別跌2.5%至3.8%；債券價格急升，十年美債孳息從3.59降至3.53厘。

美股收市後終挫370,導致港股今日收市終跌超過千三點。歐美經濟會否步入衰退對各新興市場的股市有深厚的影響,現在美國不斷的減息,希望能短期給回投資者信心避免恐慌情緒,長遠來說希望下半年能起到實質的作用,令各數據能逐步回升
而港股短期將繼續反覆上落,對風險承受程度不高的投資者不宜貿貿然入市/撈底

Ivan
Feb2008

激爆勁閃超聲Ball

2008年1月29日是我們公司的Annual Dinner
當晚, 我們LIFE都有參與演出
L-Dancer
I-Dancer
F-Dancer
E-Singer
更贏了三個獎啊!
今次是我第一次參與Convoy的Annual Dinner, 感覺非常之正
一) 場地勁grand, 紅地毯!星光閃閃!!
二) 羅敏莊做MC, 口才好好, 簡直可以融入我們的文化
三) 抽獎禮物豐富, 最細個份都一部Wii, 最大個份是雙人來回歐洲連酒店+港幣一萬元pocket money
四) 參加比賽的同事非常投入
五) 草蜢來了...........................

很難忘的一晚
加入convoy果然是我一個最佳的選擇

caca
5 Feb 2008

外圍反彈 港股上試25000

受"超級併購"微軟購雅虎的消息刺激，環球的投資氣氛明顯改善，此氣氛可望令港股上試25000。而且港股憧憬美國下月減息半厘，將有利本港地產股及樓市。
雖然如此，市場上還有不小利淡因素需要消化：
-歐美金融機構公布業績，看它們會否差過市場預期。
-本港銀行並未跟隨美國同步減息，可見香港減息空間有限。
-外資大行逐步調低港股公司的盈利及目標價，淡投資氣氛。

本人認為目前港股缺乏方向，股市上落受美國及內地主導，目前兩地政局、民生、經濟都不穩定，所以港股將持續牛皮一段時間。

Larry
2008-02-04

團年飯

連續幾日都食團年飯

星期一係公司一年一度既 Annual Dinner，今年有d特別，就係做左表演嘉賓，幫 Affinity 出左一隻舞，我地 LIFE 都有份演出，最終我地拿左三個獎項，我覺得奬係事小，但我地既團結同埋氣氛先係最重要，今年真係好好玩，期待來年有機會再黎過。

星期五係北角食 Direct Team 既團年飯，今年已經係第三年喇，中間播返我地 Direct Team 係 e 一年裡面既活動相片同 Viedo ，真係令人回味，我地 Direct Team 除左玩得之外，今年重係全公司最好生意既一條 Team , 真係做到 Work Hard, Play Hard. Direct Team，08年繼續努力呀！

星期六就食屋企人既團年飯，中間有段小插曲，話說我地約左七點三係沙田某酒樓等，咁我同慧慧就六點三準備係太古城拿車出發去沙田，點知原來東區走廊大塞車，咁都唔出奇，係要塞到原來太古城停車場 d 車出唔到閘，都未夠誇張，到我諗住係個位開車既時候，原來已經塞到落黎我個位度 (我係係 B3 停車場)，出唔到去，最後唯有白痴地搭地鐵過去，之後又白痴地返返去太古拿車走。雖然最後攪到好麻煩，但見到街上咁多人趕返屋企食團年飯，就諗起中國大陸雪災，好多人都返唔到屋企過年既情景，其實我地已經好幸福喇，佢地真係一年先有機會返屋企一次見到屋企人！

就黎新年喇，要送舊迎新，我祝大家心想事成，生意興隆！

Franky
3 Feb 08

神秘的電影

新年又快到，我估大家都忙於計劃假期去邊玩…
睇電影可能係你既選擇
長江7號好可能係大家既首選
始終係周星馳電影既fans、而且又可以笑餐飽…
但唔知點解…今次長江7號唔係咁想睇
反而…聽朋友講有一套電影…真係有d興趣

末世凶煞 (Cloverfield)

因為…電影公司故意營造神秘感，遲遲都唔對外發放電影既內容，只知道電影由大熱劇集《迷》(Lost) 監製JJ Abrams製作…

一夜之間，紐約滅亡。在毫無預兆下，紐約夜空仿如發生核爆，一瞬間天崩地裂，巨大的怒吼、沉重的腳步由遠逼近，自由神像的頭顱墜落街頭，軍方介入激烈開火，全城陷入末世災難，人們慌亂逃生，只是大家都不知道他們逃避的是什麼？是異形？巨獸？恐怖襲擊？目擊過程的只有少數人倖存，真相可能永遠沒有人知道……

Larry
2008-02-01