快樂是什麼？

上星期日，去左上環必愛之家同一班朋友仔玩，必愛之家係一個收融中度至嚴重智障既工場及宿舍。

未正式踏入必愛之家，就已經有一個學員企起門口好興奮咁叫(好多學員都係患上「大症」講話不清)，示意叫我快d入去。

去到佢地既飯堂就開始玩，首先同佢地傾下計，跟住一齊上跳舞課，再接著我地一班義工跳舞表演俾學員睇，到最後大家手拖手分享大家當日既感受，每個學員都好興奮咁回答，話：好開心、好快樂！

最後老師開左一個題目：快樂是什麼？

好多學員都爭著回答：快樂係開心、快樂係玩、快樂係Enjoy、快樂係快樂……

老師再叫義工們回答，但係我地既答案好似好複雜咁又有時好尷尬。

活動完結後，靜靜咁諗，快樂是什麼？

學員可以諗都唔諗就答，點解我地要諗？


我既答案：快樂係要簡單一d，盡情享受現在，發揮自己所能。


Larry

聚『沙』成愛

上星期日去左荃灣做左個表演仔，個活動叫...聚『沙』成愛。

沙...係SARS非典肺炎既意思，依個活動係紀念SARS五週年。

嘩！五年喇！當年個個帶口罩、每日新聞報道死亡人數同患病人數，人心惶惶，股市、樓市全線下滑。一閃眼，五年啦，再大既事，大家都好快唔記得，可況依五年發生過咁多事：雪災、藏獨、奧運、四川地震…好多人都被忘記。

活動當日有SARS康復者、死難者家屬、醫護人員，佢地回憶五年前既苦況，同依幾年佢地係點樣生活。

我地去表演，其實係幫佢地打打氣，關心一下別人……但事實上係佢地教我要真正堅強、克服痛苦、無私。

做義工唔係去幫人，係起別人既經驗上上人生的一課。


Larry

Square 基金倉

上週中國市場受外圍影響大幅下滑，我們認為中國股市已跌至合理水平，雖然短期大市仍然不穩，但我們對中國市場的長遠發展有信心，因此我們於上週跌市時，趁低吸納買入First State China Growth，以此賺取中國長期的升幅。

Larry

歐洲國家杯 - 8強

今年 8 強有:
德國 , 葡萄牙 , 克羅地亞, 土耳其, Russia, 荷蘭 , 西班牙 同 意大利

大家鐘意邊隊多d呢?想邊隊冠軍呢?

荷蘭 gogogo!

繼上回未解說我點解鐘意荷蘭,繼續慢慢忍耐喇!

Ivan

Affinity

今日,
我們LIFE到了九龍灣國際展貿出席Affinity的季會。

三小時的會議, 我最深刻的是"Affinity Services"終於在今年的5月6日正式註冊成為慈善團體。

「貢獻越大, 成就越大」, 我們LIFE都參加了Service Team的活動。在今年的9月份, 我們將會帶領一群新移民小朋友參加兩日一夜的「成長營」。


Convoy's Affinity team comprises more than 500 top-notch professionals and 300 more are expected onboard this year. "We encourage team work and endeavour to create synergy and build rapport," remarks Dominic Sin, a deputy director from Convoy's consultancy division.
(Taken from Career Times 4 April 2008, P. A2)

by caca

大吉

依幾日，成日有雨，勁煩。但係我都算好運......

例一、上星期六香港懸掛"黑雨"，同一時間正係我既曼谷之旅，9:15am機，如果再遲dd，班機就cancel。
例二、有一日天氣好似好d，由於NBA Playoff傳染病，令我勁想打籃球，於是由觀塘千山萬水到柴灣打波，打到10點幾球場息燈，然後坐車返屋企，一上車，立即落狗屎，落左三四個字大雨，係時候落車喇...竟然一滴雨都無！注意，當時我冇帶遮！上星期除左果晚天氣好d之外，真係晚晚都有雨。

當我以為自己有d運仔之際，昨晚大雨，準備左遮都成隻腳濕晒，最慘係對皮鞋，第二日仲要著！

一返到屋企剛好電視播新聞，華南又水災，又一大班人無家可歸……

其實只係對皮鞋濕晒，已經好好運！！


larry

Square 基金倉

上星期美股顯著下跌，觸發亞洲多國股市出現小型股災，多個國家的指數回落至三個月至半年的低位。

期內組合的 JF Taiwan 基金下跌不少，有 11% 的跌幅，而反映該基金的台灣加權指數回落至 8,100 點水平。雖然指數跌破 250 天平均線的重要支持位，但因股市基本因數沒有改變，加上指數現階段水平只相等於十三倍的市盈率，因此只要基金不跌破我們之前定下的止蝕位 -15%，我們仍然會繼續持有，並持觀望態度。

上星期組合作出了兩個變動，第一是將 JF Aisa Domestic Opportunities Fund 賣出，全數買入 HSBC India Equity。

印度係金磚四國其中一成員，長期經濟發展前景良好。但因上半年印度孟買指數仍然偏高，因此沒有買進；但上星期該指數跌破一萬五千點，至 14,700 點，而市盈率則由最高位的 28 倍回落至 17 倍合理水平，因此基金倉以 20% 的資金比重買入該基金。




另外，上星期五香港的恒生指數回落至 22,500 點水平，而國企指數則回落至 12,00 點。股市值博率開始浮現，而且現水平下跌風險不大，因此我們會分兩注入市，首先我們於上星期五以 15% 的組合資金 (來自30% 的 Templeton Global Total Return Fund)，大約 2萬元買進 First State China Growth Fund ，如果股市進一步下跌，我們會再動用餘下資金入貨。


By Franky

MAN AHL Guaranteed Futures 3 Ltd

http://www.hkheadline.com/finance/news_detail.asp?id=52425 (from 頭條日報)

真的好像不錯~

By 沉思中的Ivan

歐洲國家杯

頭一輪四組既賽事已經完結
今屆給人印象深刻相信是荷蘭同西班牙
兩隊有同一特點,就是每年人腳都唔錯,
但年年大賽也未能有好的結果,當然....捧杯更加不用提....不知要追塑回幾多年前了
不過今屆兩隊的第一場的表現都非常理想,希望可以keep住落去打破宿命

而我....都幾喜歡這兩隊
而眾多球隊中,我最支持荷蘭...因為都已經鐘意很多年了
原因?
下次再詳談

by Ivan

何必......太緊張

我在社會工作學系畢業，畢業後隨即入職老人院舍，曾經於實習期間接觸青少年和精神病康復者。

可能因為我修讀的學科有部分是心理學的研究，如老人心理學和異常心理學等，所以身邊總會有不少朋友向我詢問一些有關行為心理的問題。

精神病的種類繁多，分有急性和慢性和溫和／嚴重。精神病是一種腦部功能不穩定的疾病。患者的情緒、思想或者行為會暫時或長期出現障礙，嚴重時更會改變患者的性格、社交和人際關係。精神病沒有單一或明顯的病因，通常由多種誘發因素，如生理因素、心理因素、環境因素和遺傳因素等互為影響而產生。

焦慮症是其中一種常見的精神病，最突出的症狀是患者會出現精神和身體的焦慮反應，但往往沒有特別可理解的原因。慢性的焦慮症患者，主要表現一般焦慮症狀，或會持續幾個星期，經常覺得緊張、疲倦、神經過敏、精神無法集中等，常因少事情而忐忑不安。

香港是一個「壓力之都」，任何人都有機會患上精神病。根據各大城市的研究，原來平均十個人中就有一個人在一生中會患上精神病。

一日一蘋果，醫生遠離我。
積極正面的思想，正是預防精神病的良方。

by caca

上半年，下半年

2008 已經差不多過左一半，還記得今年的 1月1號去了看 2008 年的第一個日出時，期望今年會比上年做得更好。

08 這個數字在中國傳統有"發"的意思，亦都是一個 Lucky Number，但回顧上半年，世界好像沒有想像中 Lucky，先有中國雪災，緬絢風災，四川地震..........等等等等。

而回顧自己上半年的成績，總算不過不失，自己定下的目標雖然未能完成，但都算 On Track。

世界在不停地轉變，而時間亦不會倒流，經過這些天災後便更深深體會到人類的渺少，所以我們更加應該要珍惜現在，珍惜眼前的人，做更多有義意既事，不要讓時間白白流走。

所以，下半年我們一定會做得更好。

Associate Director


By Franky

曼谷之旅

Yeah...7/6 - 9/6係我同Coral既Long Weekend曼谷之旅.
最好笑係今次旅行撞到勁多朋友。
首先我地一入閘後就見到小彥(香港著名Hiphop舞者)
上機前又見到阿Queen(大學朋友仔)
落機又見到阿瀚(Andy老師的學生)
到左曼谷的Siam Paragon又撞到焦媛
去到翟道翟再見多一次阿瀚(同埋佢既神秘女友)
夜晚去到Suam Lum Night Bazzar就見到Tammy(公司同事)
...
平時出街都冇見到咁多人，今次出國見到咁多人。
令我諗起...星期日邊度最多菲律賓人...維園??菲律賓!!今個Long Weekend邊度最多香港人???

Larry

本週 之Square 基金倉

本週之基金倉將會換碼,趁環球市場調整,換入預期前景及反彈力度較大的基金
下星期二沽出 JF Asia Domestic Opportunity Fund 換入 JF India
因前者以亞洲內需為主要投資目標,而後者雖是單一市場,但以投資內需為主
而其餘將沒有任何改變

郵政叔叔

自從4月25日搬離得寶花園後, 一直沒有認真處理轉換通訊地址的事宜。
大概半個月前, 新業主已經沒有耐性將我們的信件交給地產經紀, 更揚言會一件不漏的掉進垃圾桶, 實在太殘忍了!

看看信箱內的信件, 最多的絕對不是「重要文件」, 而是來自大大小小不同美容/化妝/服飾品牌的會員通訊和優惠推廣, 始終女孩子也喜歡成為某某的會員, 走到哪裡都被看成VIP。其次的, 一定是強積金信託公司的結算文件, 因為在這八年間, 大家所累積的保留帳戶也真的不少。

為了方便一眾「既忙碌, 又懶惰」的香港人, 香港郵政局提供了一項郵件轉遞服務。市民只需繳付下列費用:

商行@首3個月-300元; 其後每12個月-750元
住宅及其他@首3個月-100元; 其後每12個月-250元

而每項轉遞要求均須繳付首三個月的費用, 香港郵政便會為信件及郵件安排轉遞。

果然, 只要有需要, 處處有商機!
我明天也要「幫襯」一下郵政叔叔!

by caca

做 Gym

近期經常去左做 gym, 原因係除左 join 左個好平既 plan 之外 (California, $188 per month), 最重要既係一向骨瘦如柴既決心係今個暑假結束之前要練到一身好肌肉...............

其實好似年年都咁講：不過，只要有恆心，鐵柱磨成針。




朋友，睇住黎.........

By Franky

泰快到、泰快樂

我從來對中國的節日都沒什麼感覺(除左農曆新年...有利是逗)什麼重陽、端午、清明......總是混淆不清。

但今年有一個節日，我對它很有感覺......就是端午節 不是因為有食，因為星期一的端午節加上星期六、日，剛好是一個完美的三日兩夜旅行。 三日兩夜當然要近近地，曼谷就是我的首選。

計劃行程：

day 1 Check-in 後，食，無聊地四處行行，再食，然後SPA
day 2 瞿道瞿跳蚤市場(一路食一路買一路食一路買...)，泰式按摩，再食
day 3 酒店內游水，Check-out，再無聊地行行，回家



larry

匯豐人民幣存款升勢放緩

匯豐銀行執行董事王冬勝表示，自從本港人民幣買賣差價擴闊後，人民幣存款升勢有所放緩，該行上月相關存款增長降至3%，惟他認為調整屬正常現象。王冬勝指出，3月至4月本港人民幣存款量上升33%，經過高速增長後，該行上月人民幣存款增長大幅降至3%，惟強調增長放緩亦屬正常，並踏入調整期。他提到，日前聯同銀行學會到訪北京，並與銀監會主席劉明康會面，談及本港人民幣業務，相信銀行提供人民幣一條龍服務並無問題。另外，恆生銀行(011)個人理財及財富管理業務總經理梁永祥指，該行將維持提供人民幣一條龍服務，暫無意作出調整。 (都市)

唔知大家會唔會返內地旅行or消費呢?
人民幣由幾年前大家用一百蚊港紙換到百幾蚊人民幣,覺得好抵玩,夠平
到上年開始接近1:1,直到今年....港元開始兌換少過人民幣了
大家有冇預早買左人民幣 or 開左人民幣戶口呢?

By Ivan

SQUARE基金倉 (R-080602)

十二萬元「SQUARE」基金組合由2008年5月2日成立至今剛好一個月，整體組合表現-5.95%(已扣除全部有關費用)，單一基金表現負差最大的是JF-Asia Domestic Opportunities。

亞洲股市在本年三月份經調整後作出反彈，但未能反映於此基金價格。從分析的角度來說，我們須了解此基金的投資理念和其分類分布。

此基金的投資目標是為投資者提供長遠資本增值。為達致此目標，本基金主要投資於其主要業務受惠於亞洲經濟體系（不包括日本，但包括澳洲及新西蘭）的本地增長或與其有關的公司證券。截至五月份最新資料，此基金投資在金融行業的分布為37.2%。

故此，此基金並不能全數反映股票市場的活動。在分析時，我們不單以基金價格作為量度指標，亦須參考該基金的其他有關資料。

SQUARE基金組合本星期未有任何變動。

*有關LIFE在管理此基金組合時所持的投資原則，可參閱於2008年4月18日的日誌*

by CaCa

Sabah 沙巴之旅 28/6 – 2/7

上星期終於諗左今年去咩地方旅行，慧慧同我一致覺得今年要去陽光海灘，最後選左馬來西亞既沙巴。

今年旅行社既 packages 普遍都貴左好多，之前聽 larry 講話去 Bangkok 四日三夜既 package 要 $3500，而我今次去沙巴一個人要成 $5300，無辦法，美元咁弱，而港幣又同美元掛鉤，d 錢真係唔多見洗。

重未 plan 行程，但初步應該會去潛水，玩激流，行神山…………同埋想釣魚，聽本旅遊書講出到海中心，一個小時可以釣到 30 條魚咁多，真係好想試下。

曾幾何時，每年e 個時候都會唔係香港：

2003 – 韓國
2004 – 上海
2005 – 深圳
2006 – 曼谷
2007 – 大阪
2008 – 沙巴
………
……
…
..

下一站？

By Franky