年結

2008即將成為歷史...
在回望08年的同時, 也要為09年做好準備!!!

好似hea o左d!!!haha

by Kargo

極限

依個星期，我諗我都去到好盡。

23/12 一早去左個戒毒o既Camp做義工，下午再同《香港起舞》o既同學仔表演，晚上同女友到山頂慶祝生日。
24/12 《舞動"荃"城》又表演。
25/12 竟然得閑，去左老師屋企玩，之後仲可以一早返屋企休息。
26/12 又表演，今次去到機場表演，一日跳三場，救命。之後再去元朗，同一班最好o既朋友BBQ。
27/12 由於連續幾日都無乜做過野，所以一早返公司做野，勁趕急。
28/12 又機場Show。之後去青山醫院……無錯係青山，去做一個《共融藝術工作坊》。
29/12 一早返公司做野，因為要趕公司cut-off，之後又"鼠"左出去表演，今次近d，山頂。

太爆喇！真係「燃燒自己，照亮別人」。


larRy

聖誕party

23/Dec(準聖誕節) 麻雀耍樂
24/Dec(平安夜) 公司工作,休息,家人晚膳,高中同學家短聚,睇戲-葉問
25/Dec(聖誕節) 買禮物,小學/初中同學家聚會,書院/同房同學飲野聚會
26/DEC(聖誕節翌日)大學同科同學踩單車,同事晚餐
27/Dec(聖誕節後) 睇戲,大學書院同學BBQ



燒錢的節日...

bY iVan

一個人看電影

晚上, 我和爸爸在淘大商場吃過晚飯, 經過九龍灣百老匯戲院, 突然很想一個人看齣電影, 這是我從來沒有試過的。

我沒有理會好友Garie和Kinki的勸阻, 一個人鼓起勇氣排在隊尾。我徘徊在<葉問>和<魔法童話夜>兩齣戲之間, 但怕自己一人看<葉問>會情緒激動, 沒人理會, 於是買了<魔法童話夜>2140的劇票。

距離播映時間還有兩小時, 我回家先洗澡, 然後換上一套保暖的舒服衣著, 還買了一杯HappyLemon的荔枝烏龍茶偷運入場。電影開始了十分鐘, 我左邊有三個位空著, 右邊亦有三個位空著, 心想:「我明明已經揀了隔離有人坐的座位, 就是不想一個人太明顯, 現在還有誰不知道我是一個來的?」隔了一會, 終於有對情侶坐在我的右邊, 但他們竟然沒有照著編號坐好, 自作聰明的留空了我身邊的那個位置, 真是太「感激」你們了。不久, 左邊的情侶也到了, 終於可以讓我感受一下人類的氣息。

我越來越發現自己太浪漫了。

by caca

聖誕快樂

今個聖誕特別多節目~

24/12 - 同女朋友去左 Barn II 食飯，做左件人生大事
25/12 - 同中學同學去左睇神探伽利略，然後係中同屋企交換聖誕禮物
26/12 - Team LIFE 踏單車日 (得返三個人，超灰) ，之後去沙角食飯
27/12 - 大學 Danso 打邊盧，Kargo 簽單，去左 dup 骨
28/12 - 陪女友屋企人再行工展會，之後同 '歐洲人' 去食瑞士野，再同屋企人睇葉問

好充實的假期，08 年重有三日就過去，今年好似發生左特別多事，但無論 08 過得怎樣，09 年一定會比 08 做得更好...............

是時候重新投入工作了

要儲好多錢喇!!!!


By Franky

Holiday Week

今個星期都好holiday mood，加上屋企人成家放假，
所以大部份時間都陪屋企人過聖誕！

連自己都覺得好似好耐無咁耐時間陪到屋企人，
今個星期都可以話係真係可以好好relax，咩都唔諗…
訓下教﹑睇下書﹑聽下歌，咁就過左呢個假期…

差足電，聽日開始努力投入工作！



by emma

Happy Birthday!!

就黎到聖誕啦,唔知大家有咩PARTY呢??我就又好多,因為係呢個月又好多朋友生日!!係度好想同你地咁多位(Emma,Miu,Annie,Pong,Anne,Tim,Angus,Rio etc)講聲生日快樂,希望個個都身體健康啦,想個樣又個樣啦!!!!love u allllllllllllllllll~~

by Tiffany

珍惜時間

07年的我 剛大學畢業,正式進入社學工作
當然,07年經濟環境尚算不錯,工作亦算順利

今年,可以算是全球多災多難的一年....
但....未遇過挫折,人生又怎會有高低起落,
那麼....不是太沉悶嗎?

08年即將過去,工作,愛情,其他亦如是......無論結果如何,
只有吸取教訓,挑戰未來,才是最應該做的事

By Ivan

節日氣氛

自從入職CONVOY以後, 每年的12月都十分充實, 一方面趕緊完成年度最後一季的目標生意額, 另一方面忙著出席不同的節日聚會。

星期日, 我與好朋友Kinki吃過早餐後, 她便陪我返回公司, 因為我要準備晚上六時與客人會面的資料。身穿便服, 沒有平時上班的拘謹, 加上好朋友的陪伴下, 覺得太古坊格外的美。太古坊, 除了有Vivienne Westwood的展覽, 也有Artis Tree, 以「樹」為主題的佈置。

在公司完成文件後, 我們到了太古城中心吃下午茶。

我買了L'OCCITANE的沖涼套裝, 當作是送給自己的聖誕節禮物。

原來, 我上一次的單身聖誕節, 已經是六年前的事, 感覺有點......

by caca

工展會

星期日去左工展會~

今次係第二次去，記得第一次去係四五年前，果時平安夜同慧慧去，唔夠半個鍾就出返黎，因為覺得無野岩買！

但估唔到今日既我，係工展會度買左成千蚊野，睇黎我都老喇.............

海天堂龜苓膏 $145 - 7個
人參湯包 $110 - 5包
壽桃牌鮑魚麵 $170 - 4 包
壽桃牌拉麵 - $60- 1大袋
鉅記杏仁餅 加糖 - $57
燕家燕窩 - $300
雅芳亭床單 - $159
同珍鼓油 - $40 一袋

咁樣消費法 - 真係要講返句 "香港始終有我"！

By Franky

一名心臟病漢昨日在醫院外疑失救亡，明愛醫院回應指，醫院職員叫求助病人家屬致電999的做法符合指引。
患有心臟病的56歲男子，昨乘貨車至長沙灣青山道時不適暈倒，同車的兒子叫司機駛到永康街明愛醫院大門求救。司機在向大堂詢問處身穿制服者求助，惟對方聲稱「唔識救」，叫他致電999。有途經的醫生見有人昏倒就報警和協助施救。
現場與急症室僅相距百米，惟消防處 接報後，卻指派3公里外的旺角 消防局調派救護車出動，途中又遇上塞車，要由另一輛救護車接力趕至，惟事主於24分鐘後始抵近在咫尺的急症室，終告返魂乏術。
明愛醫院回應時，當時詢問處有關職員並非醫護人士，其做法符合指引，院方已致電事件中死者的家屬表示深切慰問。明愛又指，院方有權派醫護人員到現場救治傷者，但必須在醫院範圍。


呢個世界就係有d咁低能既人, 係醫院門口有事都仲要打999 求助, 醫院夠膽答話合符指引做事, 結果就攪出人命, 我真係覺得好唔合情理, 講緊既係一條人命, 你不如叫佢輪街証啦, 然後仲要個仔比埋錢先救丫笨, 打999都講得出, 仲要院方撐佢喎, 即係如果有人係警署門口比人打劫, 或者比人強姦, 都唔應該衝入去報警, 而係應該打999 啦! It's just fucking nonsense!!!

Miu

葉問

睇o左葉問，一個字'正' !!!

睇功夫片，拳腳招式固然不可缺少，但盲目地打只教人覺得空泛...

這片除了打得爽快外，當中更表達了多樣元素!

中國人的儒家思想，民族情懷...每每襯托著一招一式!!!

誠意推介!!!

By Kargo

聖誕快樂！！

黎緊呢個星期聖誕節到la！！呢個係我一年裏面最鍾意ge節日！
希望今年會有一個神秘又驚喜ge聖誕節！！

MERRY CHRISTMAS!!!!!





BY emma

賣旗日

上一次賣旗，好似係中三o既時候，嘩！十年前！
今次我係以"老師"o既身份，帶領"香港起舞"o既同學仔去賣旗。

今次學到做老師，點樣去成就別人，教學生賣旗可以學到d乜……
雖然係要好早起身，總算有d得著！

larRy

沙巴之旅

10DEC -14DEC 與中學同學結伴暢游沙巴

陽光與海灘!GREAT!
玩左水上電單車,飛魚,激流,睇螢火蟲,行街,食野,係Resort 游水 etc...

大家於Last day 都覺得時間過得好快,樂而忘返.....

By Ivan

御林軍~~

今個星期因為要幫個fd , 所以去左九龍灣扮英國既御林軍~~ 要係德福到行黎行去, 比人影相, 去似怪物咁, 行既時候仲要有個人係後面拎住個speaker 播軍人既歌, 超樣衰 haaaa, 但係d人真係好鐘意同我地影相, 仲有人以為我地係公仔!! This week is just so low b!!!!

anyway, a gd memory for me to pretend the soldier and non stop walking in the mall with background music following us haaaaaaaaa

PS 我地聖誕會唔會有gathering ar~~~

Miu

舊地重遊

星期六和gf 去Disney 睇Christmas Event, 逗留的時間不太長，見到的也不太新穎...

畢竟...

這是我剛踏出社會工作的地方;

每樣事件都標誌著各種回憶;

每一份友誼、每一滴汗水，都成就著今天的我!

希望大家都找到自己的路，無悔地走下去!!!

金句

• 越抗拒, 越艱巨。越逃避, 越可悲。生命唯一的出路, 是面對。


• 生命十分公平, 它用我對待它的方式來對待我。當我用泥巴擲敵人, 自己首先骯髒。當我送出鮮花, 自己首先聞到花香。


• 我最想改變對方的, 就是我最需要面對的。抗拒自己, 誰都會抗拒; 不愛自己, 誰也不能去愛。


• 我如何看待自己, 就會如何看待他人。對他人冷淡, 只因我對自己同樣冷淡。我批評他人, 只因我未寬恕自己。


• 唯獨我坦然, 勇敢面對自己的陰暗面, 我才是真實完整的人。我需要完整, 不是完美。完美的, 是神, 不是人。


• 當我越愛越痛苦, 就需要檢查出發點; 關心對方, 表面是為對方, 其實是為了滿足自己的需要。

by caca

地球停轉日

大製作加上奇洛李維斯吸引了我進場看。

之前看影評己經知道套戲的口碑麻麻，好多人都話垃圾同好悶，所以都沒有抱太大期望。

看完，真的沒大驚喜，不過不失，沒有高潮亦沒有悶場，故事訊息十分鮮明但劇情過於簡單加上結局太過草率，上字幕的時候才知道原來套戲已經完左......

不過撇開劇情和拍攝手法，我覺得這部電影的訊息很好；這是一部環保電影，主角奇洛李維斯是外星人，看見地球不斷被人類污染，所以特意來拯救地球。可惜人類卻以為來者不善，以武力攻擊...............

Human: Why do you come to OUR planet?

Alien: Your planet?

多一部這樣的電影，就多一些人注意環保，我們真的要愛護地球，否則人類便很快像戲中的那樣被滅亡。

By Franky

理想vs現實

前幾日在msn jp網上看到的一篇文章︰

題目︰為了在漫長的人生中得到幸福，究竟要儲多少錢才能安心呢？

受訪者︰300名年屆35歲的父親們。

他們心目中最理想儲蓄額︰
第一位︰1000萬日圓以上 (70萬港元)
第二位︰3000萬日圓以上 (210萬港元)
第三位︰1億日圓以上 (700萬港元)

可惜……現實同理想實在有太大差距…

現實中的儲蓄額…
不足1000萬日圓佔全部受訪者的78.3%，成為壓倒性的第一位…

在這個不景氣的時候，放着不管的態度，自己的財富是不會增長的！

金融海嘯之中，其實還是有有利的投資商品達到自己的理想！

一些將帶動日後世界經濟的新興國家﹑世界優良的企業﹑避險的商品等，都是各式各樣可以考慮投資的地方。

你會不會想成為今次由'危'化為 '機 '的那個人？

在有限的工資達到未來理想的儲蓄額，其實是可以做得到的。

by emma

Merry Christmas!!

上年12月,我大部份時間都係英國,去到downtown,周圍都係好華麗嘅聖誕裝飾,天氣好凍,好有feel!!知道今年佢地一年一度聖誕crazy sales已經開始,個心就好想即刻飛去狂買嘢, Harrods, Selfridges, Fred Perry, Paul Smith,仲有ASDA etc,哈哈哈哈哈,好好好好好開心!!雖然而家冇得買,但相信好快一定會再返去呀,你等我呀Bond Street!!回憶總係最開心最美好,所以大家要珍惜而家所擁有嘅嘢,令自己將來每一個回憶,每一個畫面都永遠難忘!!Cheers~~

喺度預祝我嘅好姊妹EMMA豬星期一生日快樂,永遠錫晒你,啜啜啜啜!

想同大家講聲聖誕快樂!!!!!!

http://hk.youtube.com/watch?v=MBY82CWwKck

by Tiffany

我的小學同學

上兩個星期左右，有人o係facebook Invite我入一個Group，
平時好快就會Ignore，今次立刻就Confirm，因為依個係我o既小學同學Group。

95年小學畢業，原來已經有13年冇見，facebook真係一個神奇o既地方，大概兩個星期o既時間，我就add番晒我d小學同學。

我小時候一齊力保不留班o既同學、曾經覺得佢係天仙下凡o既同學、坐我格離o既女班長……

回憶永遠是美好的……

larRy

余十三嘅分水嶺!

我星期六去咗老人院做義工,同啲公公婆婆玩得好開心!但係喺開心背後都有啲感觸,因為我心裡面諗其實呢班人後生嘅時候有冇諗過自己老年要喺老人院過??!!我諗......應該冇呀!所以我要趁我仲後生嘅時候,好好計劃自己嘅未來,唔再胡亂使錢,唔再去玩,好好咁儲錢,而家用少啲,將來會舒服啲,嘻嘻!大家都要為未來嘅自己負責任呀,唔希望有一日我會去老人院探你地呀,呵呵!!

by Tiffany

End is the Beginning

剛剛過去的星期五、六，完成左我一生中，其中一個最重要的經歷。
〈王廷琳-我和我的舞蹈天使〉
這個不只係一個Show那樣簡單，亦係我成長的一個記號。
在這個Show的舞，都係我地之前去老人院、精神病宿舍、女童院……
過去令人成長

o係個Show裡面我講：「我既理想就係好似枝火柴咁，燃燒自己，照亮別人！」

個Show完左，但生命每日都在開始！

larRy

MD Wedding

今日好忙，因為今日係我細表哥Davis同佢partner Melody ge大婚日子。
首先係中午係中大崇基禮堂行禮，晚上係會展擺酒。

我幫手坐係reception幫男家收禮金。
坐係reception位，見到一d成日係報紙先見到ge人…

曾特首同佢夫人…見到佢兜左一圈就走左…
何鴻生同四姨太﹑田北俊﹑孫明揚(佢仲係台上唱歌…)﹑周梁淑儀…

祝MD白頭到老，生活愉快，同埋要連生貴子！！

By Emma

基金收費

近日有客戶問我，想找一個最平基金收費的計劃。

我問他為何有這麼的想法。

他說因為投資回報不肯定，所以一定要找一個最平的月儲計劃。

畢菲特有句投資名言:
"Do not use a good price to buy a fair company, but use a fair price to buy a good company."
中文大概是: "不要用超值的價錢去買進一家普通的公司，而是要用一個普通的價錢去買一間好的公司。"

買基金其實都是一樣，我們的重點是應該放在回報方面，試想想，如果我們買了一個沒有收費的儲蓄計劃，但回報卻十分差劣的，那麼到計劃完了，你的錢其實亦是沒有增長的。

二○○七年六月二十一日 信報
基金人語 龐寶林

很多人喜歡談論的問題 ─ 買股票與買基金的費用。有些人認為基金收取認購和管理費，倒不如自己買股票吧！不少具知名度的股壇名人對基金嗤之以鼻，建議一般投資者不要買基金，自行買股票便可。筆者認為，這些論點實有以偏概全之嫌，又有多少小投資者擁有這些專家的投資技巧呢? 死抱滙控 (005) 的話，又是否一勞永逸的好策略呢?

其實這是一個老生常談的問題。購買基金的要旨是專業管理，1-2% 的管理費是否值得? 就要看基金經理能否帶來增值。以2000年3月至03年3月的港股熊市為例，以投資港股為主的惠理價值基金 (Value Partners Classic) 逆市錄得113% 回報，正是基金的增值所在；在這三年間，恒指及國企指數皆分別下跌近 50%，又有誰會在乎 1-2% 的管理費及15% 的表現費？再舉個例子吧，過去十年印度孟買指數以美元計升幅 242% (1997年5月31日至2007年5月31日)，但滙豐印度股票基金的升幅卻達1576%，這就是基金的增值；買入滙豐印度股票基金的話，1.5% 的管理費必然可以「物有所值」形容。其實，物超所值的例子除了上述的惠理價值基金及滙豐印度股票基金外，在本港的二千多隻基金中也並不罕見。


By Franky

下一浪贏家

在11月28日, 我們舉辦了一次投資講座, 題目為「下一浪贏家」。TEAM-LIFE積極參與籌備, 而我則負責當晚的司儀工作。

我們邀請了天達資產管理(亞洲)有限公司和英國友誠國際有限公司擔任講座的嘉實講者。除了多謝她們的專業分享, 也多謝各位的誠意出席。

下次再會!

by caca

過probation~

上個禮拜係我既lucky week, 一定係因為我生日
因為分別係生日前後個兩日都開單, 只要交埋d文件, 就可以過Probation 1 la~

大家好似仲未同我慶祝喎~~ 快d同我食餐飯呀!
Miu

一首好歌

今晚無意中睇電視見到亞視播鄭少秋Concert, 聽到一首久違了的好歌...

一絲絲記憶 勾起了一串串滋味
它不少也不會多 分享了重聚跟別離
一張張照片 框起了一個個天地
不聲不語偏説出 歲月多依稀
一聲聲嘆息 終止了一處處境地
它將所有悲與喜 編好了年月跟日期
一天天變更 不可以一次次躲避
它需不竭的勇敢 向夢想高飛
何愁面前浪破浪 湧個無了期
何愁落泊 我只要一口氣
雷或雨 我也傲然經過
瀟瀟洒洒向美夢高飛
何妨混和淚與汗 一笑毋縐眉
誰歧視我 我偏要爭口氣
從成敗裡 冷暖後才知道
絲絲點點永記在於心 凡事不放棄

By Kargo

電腦節!

我現在更加肯定的說.....HK人還很有錢.....
瘋狂的多人與爆炸的消費

電腦節好好好好Q多人....
街邊攤位逼唔到埋去
黃金,高登商場內都好好好逼,間間鋪買野都要排隊俾錢,
甚至乎買零件野會無貨,要等15-30min等佢去倉拎

結果:
philips 22"$1590
手指8gb$115
SDcard 4gb $59
無線keyboard&mouse set$179
kingstone 2gb ram ddr800 X2 $300
勁量叉電連叉電器(4xAA + 2xAAA) $79+69

By Ivan

一元

金融海嘯令飲食零售消費市道低迷，擁有超過四百間食肆會員的香港餐飲聯業協會，將於下月起陸續推出破天荒「一元」食品優惠，刺激消費救亡，其中逾三十間連鎖飲食集團下月起分別推出一元外賣叉燒飯
一元半打蛋撻
一元唱K
一元巴西牛扒
一元龍躉翅，所有優惠不設額外條件，但有售賣數量及時間限制，協會再會在一月推出另類優惠新猷，進一步刺激市民消費意欲。

如果...
一元可以供Zurich
一元BV 升PC
一元搭村巴番公司

你話幾好呢~

智富掌門人

內容簡介

金融海嘯衝擊全球經濟，香港金融業亦難以獨善其身。不過，經濟不景氣，卻可能是獨立理財顧問行業一個更大的發展機會，因為金融市場愈波動、投資工具愈複雜、投資者愈需要謹慎理財，令獨立理財顧問（Independent Financial Planner 、IFP）的工作更形重要；他們為不同背景的客戶設計合適的理財計劃，可謂是真正的「智富掌門人」。

作者冼健岷 (Henry Shin）為本港著名獨立理財顧問公司副總監，初入行時正值97金融風暴的陰霾，但十多年努力以赴，現已帶領近七百多人的專業團隊。本書既論理財顧問的前景及入行要求，也訪問了二十一位成功理財顧問。

書中這二十一位成功理財顧問，有些是轉職自其他領域的專業人士，有些是要兼顧家庭的事業女性，有些是初出茅廬的畢業生。通過他們的分享，對外如何為不同背景客戶設計貼身的理財計劃；對內如何團結下屬，帶領下屬邁向成功目標，自可瞭解獨立理財顧問的青雲路。




小弟有幸成為書中的被訪人物，如有興趣購買可聯絡我，請多多支持！

by Franky

澳門遊

週末去了澳門一趟
上一次去是六月的事了,不過今次去到以 乙水 仔為主
未夠半年的時間,交通,環境 etc 都又改進了不少

經濟轉差,澳門的賭場都以唔同方法吸引客人
今次去到,得知原來只要申請威尼斯人/金沙的會員優惠咭,
在上述兩間賭場於一日內玩了一個鐘,便可獲得免費由澳門去香港的單程 乙水 仔客運碼頭船飛一張
而且之後由HK出發,更可憑會員咭到上環換取去澳門單程船飛一張
所以,大家得閒可以去澳門輕鬆下,船程一個鐘,非常方便,而且由澳門透過拱北關口去珠海也十分方便
HK人壓力咁大,假日鬆一鬆吧!


by Ivan

2008最後一個月

不知不覺踏入2008最後一個月...
戰友們，為自己之前定下的目標，所承諾過的事
一起衝衝衝．．．衝吧!!!

每周格言：

前往偉大的顛峰之路，必定崎嶇。 【賽尼嘉】

by Kargo

張小嫻

1:當時間過去,我們忘記了我們曾經義無反顧地愛過一個人,忘記了他的溫柔,忘記了他為我做的一切。我對他再沒有感覺,我不再愛他了。為甚麼會這樣?原來我們的愛情敗給了歲月。首先是愛情使你忘記時間,然後是時間使你忘記愛情。

2:我們也許可以同時愛兩個人,又被兩個人所愛。遺憾的是,我們只能跟其中一個廝守到老。

3:曾幾何時，我們為一個人而活著。 他的喜怒哀樂，就是我喜怒哀樂。沒有他就等於沒有了自己。為一個人而活著，也許是幸福的。 然而，一旦失去他，是不是又要找另一個人，然後再為他活著。 當你曾經很努力的為一個人活著，你會終於頓悟，能為自己而活，能為自己的夢想而活，比起單單為一個人而活著 ，踏實得多了。

4:愛對方多一點還是被對方愛多一點，從來不是我們選擇的。我們所嚮往的愛情，跟我們得到的，往往是兩回事。

5:女人在床上留的眼淚﹐ 比在任何一個地方多。 男人在床上說的謊話﹐ 也在任何一個地方多。

6:世上最遙遠的距離，不是生與死的距離，不是天各一方，而是我就站在你面前，你卻不知道我愛你。


其實我好鍾意睇張小嫻嘅書,佢故事裡面嘅人物,故事都好真實!但係佢每個故事嘅主角都沒有好結果,永遠都好淒美!究竟係佢好悲觀,定係現實世界係真係咁殘酷?嘻嘻....我諗會係後者!!你地有時間都可以睇下佢嘅書,我最鍾意係雪地裡的蝸牛奄列,一路聽住呢首歌,一路睇呢本小說,好正!!

http://hk.youtube.com/watch?v=ZsI07_MyUXQ

by Tiffany

罰款機制

TEAM-LIFE重視紀律, 每次開會都實施「罰款機制」。

遲　到-$20
缺　席-$50
電話響-$20

我是負責掌管罰款的, 由機制成立至今, 已累積有300元的罰款。我們一致通過, 將款項用來購買零食放於寫字樓, 以填補大家工作時的空虛(包括身體上和心靈上)感覺。

身體上的空虛, 即是肚餓, 我們買了即食杯麵。
心靈上的空虛, 也即是空虛, 我們買了巧克力。

女人天生購物狂, 「駛錢」這任務就交由Tiffany, Emma和我吧! 經濟不景, 我們冒著被人指責的危險, 買了$8的日本杯麵, 還有$30的餅乾......共數$294.9。

在此多謝曾經「貢獻」的好同事。

by caca

王廷琳-我和我的舞蹈天使Andy Wong and His Dancing Angels

Andy Wong率領DancingAngels演出，'美麗人生'多個精彩舞蹈作品，包括：漣漪，The Rose，最真的一次，微笑的魚，4 Minutes等，全新編排和演繹，引領觀眾再一次活出美麗人生...

地點：

葵青劇院黑盒劇場

時間(共三場):

Friday, December 5, 2008 at 8:00pm
Saturday, December 6, 2008 at 3:00pm

Saturday, December 6, 2008 at 8:00pm

演出者……當然有我啦！

但好似冇乜Ticket喇~

larRy

呢個禮拜過得好快, 好似每日都好多野做, 但係我睇番又好似唔係真係做左好多野

星期五晚去左打麻雀, 打完再番工, 見客, 踩左30個鐘, 最後番屋企訓左十三個中都唔夠....

今日心情不太好, 做咩都好似無乜心機咁

希望黎緊個禮拜會好d
Miu

十二月賽程

時間過得好快....咁就第一季最後一個月的賽程了

08硬地丙A組
07/12/2008 (Sun)
2200-2300
聯合道 (硬) - 1號場
Vs 30degrees

10/12/2008 (Wed)
2100-2200
摩士 (硬) - 1號場
Vs 西區流浪漢

15/12/2008 (Mon)
2000-2100
聯合道 (硬) - 1號場
Vs 西區流浪漢

20/12/2008 (Sat)
2100-2200
摩士 (硬) - 2號場
Vs Storm

29/12/2008 (Mon)
2100-2200
興芳路 (硬) - 1號場
Vs ACS

猶如英超聖誕快車,一個月五場!Good~!GOGOGO!GOALGOALGOAL!

我熱愛運動,無論足球/籃球/排球/羽毛球/網球/游泳/踏單車/行山/哥爾夫球 etc...都喜愛涉獵
原因,是我由細到大,都應該運動員要成功,要有一定的規律與恆心
這與做人處事一樣的
猶記得當年中五中七的會考與高考,我的成績是我自己,我的同學朋友及老師都意想不到的
當時,我自己也不明白箇中原因~現在......我徹徹底底的明白了!

By Ivan

又衰咗!

琴晚我忍唔住又去咗玩,撞到舊同事又撞到而家嘅同事!喺生活裡面,來來去去都係呢啲人嗰啲人,世界係咪真係咁細?呢個人,呢個晝面,呢件事係咪一早已經安排好要識,要發生????冇人知....我淨係知道我喺琴晚嘅一秒鐘就已經愛上你啦!我會記住你曾經用心去令我笑令我開心,無論將來係點樣,你永永遠遠都係一個令我著迷嘅人,嘻嘻!

http://tw.youtube.com/watch?v=AM-GnxZERZE

by Tiffany

財富哲理之十法

提早做規劃，別“等有了錢再說”
夢想再好，不行動只是水中月、鏡中花
別人的危機就是自己的良機
什麼樣的目標決定什麼樣的生活
機會敲門的聲音很輕，你要用心才能聽到
給自己投資是最能獲益的投資
儲蓄是投資的蓄水池
他能，你也能－投資理財不是有錢人的專利
學習有關金錢的預算，懂點財務知識
無視小錢，定將痛失大錢

by Kargo

港人4大惡習

好得意…我覺得拎住紅白藍去嘟真係好夠薑！



by emma

8th Anniversary

八年前
- 我們還是中學生，那年我們才17歲
- 我們天天見面，為 A-Level 作好準備
- 我們有零用錢，不需為生活而奔波
- 我們假日去看戲，第一齣看特警新人類2
- 我們買八掛雜誌，賴理時事經濟新聞
- 我們熱愛運動，每天打波跑步
- 我們懷著赤子之心，對前途充滿期盼
.....................
................
...........
......
..

八年前
我們走在一起，不知道可以走得多遠。
八年後
我會像現在那樣，懷念我們的今天。



簡單就是愛.......
但使兩情相悅，無燈無月何妨？

By Franky

從今天起實行的十件事

康宏理財每星期出版的"CONVOY WEEKLY", 以下撰自最新的第294期:

從今天起實行的十件事＿梁明遠

1. 每月到珠寶店購買幾件我喜歡的鉑金首飾，未來三至五年後送給朋友作禮物。 2. 提醒自己日後在經濟榮景和收入增加時多儲錢，在經濟不景時多投資。 3. 向所有朋友、同事大聲說「早晨」，然後努力說服他們買基金，好讓他們在三年後同樣大聲地多謝我。4. 趁機票和旅行較平宜時，多到新興市場而不是到日本東京旅遊，因為「新興市場」概念還會流行十年，我們應該親身到這些地方，看清楚自己今天以至未來所投資的地區是什麼樣子。 5. 安慰心情低落的朋友，告訴他們明天會更好，而且這個「明天」已越來越近。未嘗苦膽，那知道甜蜜的喜樂？沒有高低起跌的人生實在太悶蛋了！

6. 趁股市低迷發掘好股，趁生活艱苦發掘好朋友。我會趁這次機會認識值得交心的知己，跟他們建立堅實的友情。 7. 是時候忘記花紅，將重點放回客戶身上，真正關心他們，不再像牛市時那樣敷衍了事。發花紅的時候還遠著呢。 8. 繼續進修金融學，而不是灰心轉行，因為財務策劃或投資將是我的終身職業；在這個行業最重要的生存條件是經驗，不是貪婪。 9. 細心考察美國市場，因為有信心，未來五年這個國家將重現強勢，而且是全球第一個走出谷底的國家。 10. 每日花一小時，坐下來靜靜思考如何規劃自己的人生，如何活得更豐盛。

by caca

畢業喇!!

小心著涼yo~!

明晚開始就會轉冷了！
一定要加穿衣服啊!~

by emma

輕鬆一刻 - 金融海嘯套餐

精選菜式:
經濟實惠吊鹽水
陸續有炒鮮魷
三聚氰胺炸鮮奶
孔雀石綠燉冬菇
無底深潭苦瓜盅
酥皮迷你債券批
窩輪炒河（簡稱窩河）
乞米炒飯（簡稱乞米）
美點雙輝：
炒期指餅
勁蝕千層糕
滋潤糖水：
過眼雲煙白果水

from 頭條日報 13/11/08 - 李力持

By Ivan

似近還遠, 似遠還近

從我的工作檯看出去, 可以看到紅紅的MEGA BOX, 即是我家位於的九龍灣。看, 不需要1秒鐘的時間, 但卻要花上半小時才能到達。相反, 人生目標, 似乎很長遠, 但轉眼間, 已經迫在眼前。

by caca

獅子山下

">

人生中有歡喜
難免亦常有淚
我地大家在獅子山下相遇上　
總算是歡笑多於唏噓

人生不免崎嶇
難以絕無掛慮
既是同舟在獅子山下且共濟
拋棄區分求共對

放開彼此心中矛盾
理想一起去追
同舟人 誓相隨
無畏更無懼

同處海角天邊
攜手踏平崎嶇
我地大家用艱辛努力寫下那
不朽香江名句

By Franky

啟發

今個星期見番個師兄，佢話近期睇左本書，內容係講d 關於人既實驗，其中一段係o甘既:

美國某大學做了一項over 20年既實驗，有一大班小朋友各自有一粒棉花糖，他們可以立刻食左佢or如果佢地可以認口唔食住，十五分鐘後他們就可額外再有多一粒食! 如事者有d立刻食左，但有d 真係暫時無食到，結果最後有多一粒食＾＾...

二十年裡，這班小朋友的成長過程被記錄下來．二十年後他們長大成人，發覺當日能夠認口唔食住ｏ個ｄ小朋友成長後既成就原來係高d!!!

實驗結論：原來一個人如果可以克制自己面前一ｄ短暫既慾望或享樂，將來得到的回報將會更大!!!

雖然道理好簡單，但係唔係個個都做得到？

問問大家，如果你面前坐左個老人家，而佢就係二十年or三十年後老左既自己，試問今時今日年輕的你為左ｏ個個老人家做過些什麼？？？

每周格言：沒有比時間更容易浪費的，同時沒有比時間更珍貴的，因為沒有時間我們幾乎無法做任何事。【威廉‧班】

by Kargo

忽然的冷

依一兩日終於似番d秋天，早兩日都重有三十度，無啦啦一個冬季季候風，就搞到得番今早十七度！
港股一樣，三萬幾點Boom一聲跌到依家得萬幾點！

我諗最高興一定係d貪靚的人，因為佢地等待已久既外套呀、風褸呀，終於可以重見天日。
個市跌到咁，有d人都一樣好高興，例如長線投資者呀、想置業既人呀。

加上近期唔知點解間間鋪都話有Discount或Private Sale，由Giodano到D-mop、Dior都有，又多d藉口去買新衫！
近期都有好多金融機都有Bonus俾客人，由Standard Life到Zurich、Aviva都有。

其實天氣涼左，我都好開心，因為本人勁易流汗，每日番工都要著西裝，真係動作大d都會流汗，一頭汗咁見客好醜！

Larry

Life is like Boxing

拳擊-一種看上去很暴力的運動，內裡卻含不少做人意義

勝方固然值得欣賞，但我卻更欣賞負方！！！
負方竭盡全力揮拳，直到連舉手既力都用盡為止!每次倒下都試著站起來...

拳擊不但講求力量，還講求戰略!!!
不停的進攻，不停的防守都不能致勝，唯有在進攻及防守之間找到平衡點，才有機取勝...

其實工作如是，生活如是！人生也許如是...

每周金句
"It's ain't over till it's over" [Rocky Balboa]


By Kargo

GPA mass dance 2008

第四年跳Madan, 原本諗住唔會緊張, 點之係主場氣氛底下, 仍然覺得好興奮, 仲係好想跳舞, 不斷跳, 可以跳team 真係好幸福, 可以用咁多時間, 唔理金錢, 唔理成績, 只係去做一d自己想做既野, 好想番番去個陣再黎過.....
出年會再跳, 一直跳到跳唔到為止!!!

By Miu

Dreams Come True

表哥下個月就結婚了，今天跟姨媽去尖咀中環看晚裝。
姨媽的身段比例很好，穿晚裝格外高貴漂亮。
除了晚裝，還有婚紗。
純白色的婚紗，單是看就充滿幸福的感覺，然後幻想
自己結婚的時候會是怎樣呢？
得寵的小公主，簡單的髮飾，脫俗潔白無瑕;
薘鬆的髮絲間瞥見回眸一刻幸福滿溢的笑靨及熱淚;
聽着結婚進行曲︰Can you celebrate? Can you kiss me tonight? We will love long long time......
跟自己一生最愛步入教堂…


呢個畫面真係靚到…！

……

好！發完夢，做野！


by emma

不平凡的零食售賣機

位於側魚涌港島東中心(One Island East)的新辦公室多放了一部零食售賣機, 星期三是我第一次惠顧。

按下A4, 用八達通付了$4.7買了一包薯片, 竟然被卡住了。

我立即跑出去「求救」, 卻換來一片笑聲。

某某走過來說:「連部機都蝦你!」「連部機都呃到你!」......

如果$4.7可以為沈寂的公司帶來歡樂, 我願意每天都花費$4.7, 真的慶幸自己有這樣的本領。

同事們拔刀相助, 可惜機器也有點重。

大家建議我多買一包, 看看可否將第一包推出來。有幸的是第一包被推出來, 不幸的是第二包被卡住了。

在此鳴謝Larry, Rio, Clovis and KT(在機後)。

原來A4就只有兩包薯片, 就這樣給我買光了。看看A6的貨源真充足!

最後, 我用了$9.4買了二包薯片......



樣子平凡, 身材平凡, 出身平凡, 能力平凡......但只要用心發掘及經營, 生活可以一點都不平凡。

我就是這麼一個懂得自娛的人。記得, 我小時候獨個兒在家, 家中就成為我的舞台: 將廢紙剪碎灑在自己身上; 將床鋪架成房子; 將家人的衫褲放在檯上充當售貨員; 拿著父親的<讀者文擇>假扮成專家被訪問; 用的搭糖裝成服食靈藥......

最平凡的, 在我眼中, 都不平凡。懂得欣賞, 生活其實很美。

by caca

【便秘】

【自我治療小妙方】

1.攝取足夠的水份
2.攝取大量纖維質
3.養成運動的習慣,以促進食物通過腸子
4.每日步行二十分鐘以上
5.每餐飯後固定如廁十分鐘,有助於養成排便習慣
6.放鬆心情
7.盡情的開懷大笑
8.避免使用通便劑,以免造成依賴
9.慎用藥品及補充品,特別是加鈣或鋁的制酸劑,抗組織胺,鎮定劑,三環興奮劑等
10.注意某些食品,如為結腸痙攣,則避免易導致排氣的食物,如豆類,白花椰菜,甘藍菜等食物。
11.降低食量
12.勿用力過度

by Tiffany

奧巴馬成功的啟示

成與敗就等如「同枱食飯，各自修行」。每人也有不同的因，才會有不同的果，關鍵就是自己。

各位親愛的讀者，請問您們知不知道，美國總統候選人奧巴馬，與伊拉克前總統侯賽因，以及阿蓋達領袖拉登，究竟有甚麼關係？答案是，他們的關係非比尋常，因為奧巴馬的全名，就是巴拉克．侯賽因．奧巴馬二世（Barack Hussein Obama II），他這個具有濃厚「穆斯林色彩」的中間名，儘管不為人們常常提起，但必然令美國選民，聯想起那個已經被處決的侯賽因；再加上奧巴馬的名字，又巧合地與拉登的全名 (奧薩瑪．本．拉登) 讀音相近，所以他們的關係，可以說是非比尋常。

儘管如此，我還是相信奧巴馬必然會在今次美國總統大選裏勝出，而他的成功，絕對值得每位香港人借鏡，尤其是在這動盪的當下。如果你是新移民來港，或者你感到懷才不遇，也應該向奧巴馬好好學習。

43年前的美國，黑人才正式開始擁有投票的權利。由美國初建國時，黑人只被當作是奴隸，但到了今天，奧巴馬將會完成當年馬丁．路德．金(Martin Luther King, Jr.)(1929－1968)黑人與白人有一天能和平，並平等共存的夢想，成為美國第一位黑人總統。
雖然奧巴馬小時候在受盡歧視的社會長大，但他沒有放棄自己，還不斷努力唸書，更在哈佛法學院中，獲得驕人的成績，這是很難得的。曾經有些讀者告訴我「讀書無用論」，但我的見解是：拿到好學歷，你才有最基本的「入場券」，在社會上與他人競爭。人生成與敗，並不是在於你唸了多少書，而是它可以令你有最基本條件「上車」。至於要在工作上，有力爭上游的動力，則在於你做人有沒有夢想、方向，目標。姑勿論你的目標是大還是小，在奮鬥的過程中，一定會是荊棘滿途。

就如奧巴馬當年，曾經因為在選舉期間，與家人外出度假，導致錯過投票，而被對手窮追猛打；也曾經因為選舉失敗，而背上6萬美元的債務，在那個當下，他面對種種困惑，甚至自我懷疑起來，但如果他就這樣放棄了，你認為他會否成為聯邦參議員呢？種種失敗帶給他經驗，讓他學會了如何成為一個政客，也讓他學會變通，再加上意志和勇氣，使他終於成為一位年輕的聯邦參議員，繼而踏上總統大選之路。

當他決定參加美國總統大選時，卻再次遇上阻礙，其時連他黨內的競爭對手希拉莉，也不把他放在眼內，令他受盡白眼，但是他的定位及方向，卻深深打動了美國人的心，特別是白人，所以群眾對奧巴馬都有一定程度的期望。

在整個競選過程裏，你能看見的，就是他勝利的一面，但是大家有沒有看過他經歷失敗的一面呢？即使美國是個提倡平等的社會，但實際上也存在着強烈的歧視，就好像他的名字，也曾被右派評論人士大造文章，甚至人身攻擊，所以奧巴馬要成功，比起我們每一位香港人更加艱難，可是奧巴馬還是一路堅持，一路走下來。

許多年輕人都說找不到目標，找不到夢想，所以沒有動力上進及努力，或許是他們處於安穩地帶(Comfort Zone)，活在父母的愛護與關愛下，所以不知世界艱難，然後便說找不到目標，甚至放棄自己，但這又是否正確的態度呢？奧巴馬的成功可會為你帶來啟示？

到了最後，成與敗就等如「同枱食飯，各自修行」。每人也有不同的因，才會有不同的果，關鍵就是自己，所以不得怨天尤人，或渴望他人前來打救你。期望他人打救，還不如自救實際。希望各位以奧巴馬的成功作為借鏡，時刻武裝自己作好準備，為將來再創高峰。

<都市日報>2008-11-05 黃毅力

BY Ivan

Stocks perform badly during recessions?

"It is a common misconception that stock markets perform badly during recessions and the evidence of the last few recessions suggests otherwise. We looked at equity market returns on a quarterly basis leading up to and during recessions over the past 40-60 years. Data from US (back to the late 1940's - six recessions) shows the same pattern again and again: equity markets fall, sometimes sharply, before the recession, as growth momentum slows.

Sometimes, stocks are still falling during the early stages of a recession, but often they have started to recover even as the recession begins. In every single case, equities actually recovered during the recession, often showing very strong performance. Woe betide the investor who was too defensive going into these rapid turnarounds in market fortunes."

quote from: VII IM (http://www.7im.co.uk/)

By Franky

美國大選

美國大選結果，由一直被睇好的奧巴馬勝出。

很多人會諗…佢當選後美國和環球經濟會點樣發展。

當然經濟發展起金融海嘯下，變得好重要。

但我諗，奧巴馬無論贏定輸，在美國，一個黑人，

能夠被整個美國，一個好自大既國家，人人都認同佢。

我諗有一個字係非常有力！

CHANGE！！！

我都要CHANGE至得！

Larry

Joint U Mass Dance 2009

星期六上左Franky 屋企, 第一次打台灣牌, 真係好多番要計, 糊里糊塗咁樣贏左, 新仔都係有新仔既好, 諗少d, 又時反而會好d, 做人亦都一樣, 有時太多顧慮反而會影響大局~

最近忙於練舞, 每日都練到好夜, 日頭又要番工, 真係好累, 4/11 就係BUDA 主場, GPA 一定要gd show!!!!!

過埋mass dance 之後, 又要將所有時間投入番工作, 正如kargo 所講, 我地四個一個都不能少, 要一齊留低!!!!

Trust me, i will pass the probation very soon!!

Miu

1/11
Life team 去o左Franky 家食大閘蟹，打機，打牌... 唔錯唔錯!!!
台灣牌太難搞，都係廣東牌好玩d! 哈

tiffany, emma, me, miu ! 我地'TEAM' 要加油，一定要過到probation!!　一個不能少!!
其他隊友唔該發放多d 正能量俾我地四條友啦!!!^^

每周格言：
瞭解面對逆境，遠比如何接受順境重要得多。【馬丁•賽力格曼】

From Kargo

好熱呀

11月巳到，但天氣就停留在夏天階段。
上個月的平均氣温是26.6度，是124年以來最高温的10月份。
而家唔開冷氣或者風扇訓教係完全唔得！
上個月明明巳經見到d秋冬裝出哂籠，我都看上了一對黑色的
長boot…上個星期在太古城又看上了一頂粉紅色毛茸茸的雞雞牌
cap帽…… but……靚野無用炎熱之地。
不過都好ge，起碼暫時唔使大出血換季住先啦。

BY emma

emma豬11月宣言

1. 節衣縮食

2. 加陪努力工作

3. 更加支持身邊的隊友

體育精神

尋晚 阿仙奴 對 史篤城 , 雲佩斯係最尾十幾分鐘輸緊 兩球下,沉不住氣衝撞龍門後再起脟,結果紅牌被罰出場
雖然在尾段稍後時間追番一球,但明顯球隊士氣低落,表現差勁...
而且,同時熱刺在頭八場只得兩分情況下,於更換領隊後,在近3場,分別作客win,上仗落後兩球下於補時階段連入兩球追和阿仙奴,昨日又反勝榜首球隊利物浦....

成績表現真係有高有低,此起彼落,無論足球,股市,都總有谷底反彈的一刻
做人也如是....每人總會於不同時間面對逆境,但沉得住氣,繼續努力,總會出現曙光
起脟 隨時拎紅牌被人趕出場 = 人生 放棄便再沒有爭勝,出現曙光的一刻

所以成功,是給予有準備的人,人沒有可能永遠順境,今場的輸,不代表下場也是,反而可同時學到今場如何失敗,避免再犯同樣的錯

By Ivan

十大超市名牌

強積金自2000年推行至今已有接近8年的時間, 原來, 惠康超級市場自2000年起, 每年也會舉辦一個名叫「十大超市名牌選舉」。剛剛完滿結束的是第九屆的選舉, 得獎名單如下:

第九屆十大超市名牌得獎名單
1. 貝絲清風絲柔高級衛生紙
2. 灣仔碼頭水餃
3. 李錦記舊裝特級蠔油
4. 奇偉漂白潔廁液
5. 日清合味道/出前一丁杯麵
6. 可口可樂
7. 金鳳泰國頂級香米
8. 維他奶
9. 益力多活性乳酸飲品
10. 卡樂B Jagabee薯條

選舉結果, 對我來說, 確實有點「不滿」, 因為當中有3項, 分別是貝絲清風絲柔高級衛生紙, 奇偉漂白潔廁液和金鳳泰國頂級香米, 是我從未購買過的。

by caca

One Island East

終於起新office安定落來，依家起則魚涌返工，地理上近左。

但則魚涌地鐵站真行到慌，再加上行太古坊d天橋左穿右插。

但係......新Office 真係好靚!

開工大吉！切燒豬！！

Larry