快樂是什麼？

上星期日，去左上環必愛之家同一班朋友仔玩，必愛之家係一個收融中度至嚴重智障既工場及宿舍。

未正式踏入必愛之家，就已經有一個學員企起門口好興奮咁叫(好多學員都係患上「大症」講話不清)，示意叫我快d入去。

去到佢地既飯堂就開始玩，首先同佢地傾下計，跟住一齊上跳舞課，再接著我地一班義工跳舞表演俾學員睇，到最後大家手拖手分享大家當日既感受，每個學員都好興奮咁回答，話：好開心、好快樂！

最後老師開左一個題目：快樂是什麼？

好多學員都爭著回答：快樂係開心、快樂係玩、快樂係Enjoy、快樂係快樂……

老師再叫義工們回答，但係我地既答案好似好複雜咁又有時好尷尬。

活動完結後，靜靜咁諗，快樂是什麼？

學員可以諗都唔諗就答，點解我地要諗？


我既答案：快樂係要簡單一d，盡情享受現在，發揮自己所能。


Larry