懶惰的週末

由Fri 晚開始就過了一個頹廢,狂莽年輕的週末
原先約了朋友十點,但抵受不少竹戰的吸引力而放棄了
結果打到一點鬆,再吹下水二點幾先走,回家後再hea一會兒才睡

Sat 一睡就下午3,4點了,還了不少睡眠債,
hea一陣後,四點幾落樓下食個下午茶,
到晚上和家人打完邊爐,十點幾睇緊東京攻略的時候
就收到電話,再去灣仔出戰台灣!
一打...又通宵了....七點幾先回到家..哈哈

Sun 一早就起身,因為約左女仔,而家通常一星期才一次,哈!
11點半去到馬鞍山join埋一齊,之後去了新世紀買飛睇3:55pm - 愛到底
之後食個lunch...就行街,行到夠鐘就睇戲,睇完就回家叫外賣pizza hut....
邊食邊再睇番錄影"鹿鼎記"大結果....
時間剛剛好,睇完到阿仙奴對般尼的足總盃開波~

但年青人有多少個週末可以這樣渡過呢?

而這時亦令我想起大我兩年的師兄姐畢業後聚會時的對話
及他們在大學與社會工作的分別與及那團"火"......

祝願:
對號入座之人仕,請你們keep住,繼續加油吧!!!

PS:愛到底.....有好多細路女去睇...."捧捧堂"
PPS:阿仙奴班1x,20歲既年青人,eg 卡路士韋拿,好有潛質....但可惜要等2,3年後才開始成熟起來
而現在,阿記中/前場有尹佩斯,艾迪巴約,伊度亞度,賓特拿,拿斯尼,迪阿比,丹尼臣,伊保爾,卡路士韋拿,艾朗藍斯,新加盟的艾沙雲,剛傷愈的禾確特,及未傷愈的法比加斯同路斯基....大部份都係16-25歲....太年輕了....

By Ivan