會考生涯

今朝扭開電視，一睇新聞，重頭戲當然係會考放榜。

又一年喇，每年放榜都令我諗番自己當年既會考生涯。

考試前既三四個月，只生活在自修室中，每日朝十晚十，起自修室死讀爛讀，好在有一班好朋友一齊，未至悶死。(當然在忙裡可以望下女仔，都係一個非常好既減壓方法)

由於家貧，眼見其他自修室人一個二個，一邊溫書、一邊咬住貴價唔飽既零食、汽水。

哈哈…我係以「水泡餅」加任添唔嬲既水維生。


好彩我會考既成績都算有d驚喜，不枉我寒窗苦讀，總算化腐朽為正常。

Larry